Dosja Investigative në “Channel One” e gazetarit Elio Laze vijon edhe këtë puntatë me publikimin e skandaleve të kryebashkiakes së Roskovecit Majlinda Bufi.
Pasi u bënë publike dokumente dhe dëshmi se si Majlinda Bufi i dha krushkut të saj 11.200 metër tokë në mënyrë të jashtëligjshme ekipi i xhirimit udhëtoi sërish drejt qytetit të Roskovecit.
Banorët ankohen për arrogancën e kryebashkiakes që e zgjodhën me votat e tyre. Për faktin që nuk i pret në zyrë dhe nuk i jep asnjë zgjidhje problemeve të tyre.
Denoncuesi i kësaj puntate është një zotëri të cilit bashkia e Roskovecit i ka spostuar tokën e përfituar në bazë të ligjit 7501 disa parcela më larg, e tokën e tij ia ka dhënë dikujt tjetër me qira.
Interesimit të stafit të Dosjes Investigative kryebashkiakja iu përgjigj me arrogancë, ofendime dhe duke u larguar me automjetin e saj.
Në këtë puntatë “Dosja Investigative” përveç materialeve filmike paraqet dhe një sërë dokumentesh që janë në investigim e sipër të cilat flasin për kompanitë e bashkëshortit të kryetares që ka përfituar punë publike.
Çdo të enjte “Dosja Investigative” transmetohet Live në Channel One.
