Deputetja e PD, Albana Vokshi tha se Shqipëria ka hyrë në stinën e protestave. E ftuar në studion e lajmeve të Ora News, deputetja demokrate u shpreh se ky është vetëm fillimi dhe tashmë fjalën e ka sovrani.
Albana Vokshi: Kemi hyrë në stinën, në pranverën e protestave, ky është vetëm fillimi. Kur qeveria dhe kur shteti bëhet palë me krimin. Kur shteti shkel kushtetutën, kur shtetit arreston qytetarë vetëm se protestojnë atëherë fjalën kush e merr? E merr sovrani, dhe opozita do të dëgjojë sovranin. Ne sot jemi palë me qytetarët. Axhendën e vendosin qytetarët dhe ne do jemi në mbështetje të tyre. Fjalën e ka sovrani nuk e kam më qeveria.
Vokshit tha se vendimi nëse do të bojkotojnë apo jo parlamentin i takon qytetarëve.
Albana Vokshi: Ai është një vendim që nuk e marrim në, ne do bëjmë çfarë do na kërkojnë qytetarët. Do bëjmë atë çfarë sovrani do të na kërkojë.
Deputetja e PD tha se thirrja e Komisionit Hetimor ditën e djeshme u bë për të tërhequr vëmendjen nga ajo që po ndodhte në seancën gjyqësore për 23 të ndaluarit e protestës në Rrugën e Kombit.
Albana Vokshi: Parlamenti është privatizuar nga Rama. Dje ishte skandal thirrja e komisionit hetimor. Komisioni Hetimor është i propozuar nga opozita dhe nuk mund të thirret pa u thirrur nga kryetari. Nuk është e vërtetë ajo që pretendon mazhoranca. Ishte thjesht për të tërhequr vëmendjen nga ajo çka po ndodhte nga shtet rrethimi nga deklaratat që po bënin 23 qyetetarët të cilëve iu bë një gjyq politik dje.
