Kristian Shpendi nuk ka të ndalur! Sulmuesi shqiptar është shndërruar në një makineri golash te kryesuesit e Çezenës, të cilëve u dhuroi 3 pikë të arta në duelin e sotëm ndaj Fermanës, që përfundoi me triumfin 1-0 të bardhezinjve.
Shpendi arriti të shënonte në minutën e 83-të. Ky ishte goli i 14-të në 20 ndeshje për yllin 20-vjeçar, që duket se po ecën në gjurmët e vëllait të tij binjak, Stiven Shpendi, që në fillim të sezonin u transferua te Empoli në Serinë A.
Falë këtij triumfi mbrëmjen e sotme, Çezena, ka thelluar diferencën në 9 pikë nga ndjekësit e Torres, që mbajnë vendin e dytë.
