Kryeministri Edi Rama dhe ministri Damian Gjiknuri në interpelance me banorët e Kukësit tregon pse nuk e ka takuar kryetarin e Bashkisë së Kukësit
Edi Rama: “Nuk e kam takuar kryetarin e Bashkisë sepse nuk është distancuar nga dhuna. Dhe sot e kam dëgjuar se ka thënë madje që unë qenkam tërhequr nga tarifa dhe tani duhet të kërkoj lirimin e njerëzve.
E para punës ne jetojmë në një shtet që është me Kushtetutë, me ligje, është me pushtete të ndara dhe se kush ndalohet dhe se kush gjykohet nuk është vendimmarrje e qeverisë, nuk është e imja është vendimmarrje e organeve ligjzbatuese dhe organet ligjzbatuese kanë detyrimin të bëjnë detyrën e tyre.
Thirrja për për të liruar këta e ata, është një thirrje që shkon jo vetëm ne adresë të gabuar kur më vjen puna tek unë, por shkon komplet në ajër për shkak se ky është një proces që i takon organeve të drejtësisë.
Dhe kryetarit të Bashkisë Kukësit i them sot se jo vetëm nuk jam tërhequr nga asgjë por thjesht po bëjmë një proces që duhet ta kishim bërë më përpara.
Kjo është e vërtetë, për këtë kam kërkuar ndjesë dhe ndryshe nga të tjetër përpara ne as nuk e konsiderojmë veten të pagabueshëm, unë as nuk e konsideroj veten të pagabueshëm as ata që më dëgjojnë.
