Kryetari i grupit parlamentar të Lëvizjes Socialiste për Integrim, Petrit Vasili, tha se kontrata për Rrugën e Kombit nuk është bërë me ligj.
“Një nga problemet e mëdha që ka kontrata është se nuk është bërë me ligj. Qeveria ka thënë se është tarifë, ndërsa në kontratë është taksë. Taksa dhe tarifa janë dy koncepte të ndryshme të shtetit. Ajo shkon në Parlament dhe ti ke një taksë të re”, u shpreh Vasili në Ora News
Vasili sqaroi arsyet e mosbesimit të qytetarëve tek klasa politike.
“Zakonisht një vend që punët nuk i shkojnë brof dhe ka vështirësi të mëdha, zakonisht mos besimi është i madh. Po të mos kishte mos besim, nuk do të ishte Lëvizja Pesë Yjet forcë e parë në Itali, mos të flas për Gjermaninë.
Polarizimi i shoqërisë, pavendosmëria e politikës për të marrë vendime, mungesa e transparencës. Ju e dëgjuat që nuk është bërë transparenca e duhur me qytetarët. Kjo bëhet pas kërciti druri?
Besoj është një problem që nuk ka pasur tendencë të minimizohet. Në mjaft raste ka pasur tendenca për të mos imlikuar politikën duke përdorur kamuflazhe apolitike”, tha deputeti i LSI-se.
