Një ngjarje e rëndë është regjistruar në Selanik të Greqisë, ku babë e bir janë gjetur të vdekur krah për krah në banesën e tyre.
Mediat fqinje raportojnë se dyshohet se ata kanë ndërruar jetë që më 6 janar. Ngjarja e rëndë u zbulua mesditën e së dielës, kur një qiramarrës i pallatit në rrugën Olymbou telefonoi Policinë dhe raportoi se kishte kohë që nuk i kishte parë dy burrat dhe se nga banesa e tyre vinte një erë e keqe.
Punonjësit e policisë me të mbërritur në banesë konstatuan të vdekur të moshuarin dhe djalin e tij, ndërsa pas hetimeve dhe kqyrjes makroskopike të mjekut nuk ka rezultuar asnjë gjurmë e veprimtarisë kriminale.
Informacionet thonë se i pari ka ndërruar jetë djali, i cili ka qenë invalid. Babai e ka mbajtur pranë dhe besohet se ka vdekur nga uria. Sipas asaj që banorët e pallatit kanë raportuar në Polici, dy burrave iu është dashur të jepnin shenja jete për shumë javë. Autopsia pritet të hedhë dritë mbi shkakun e dy vdekjeve.
