Monza godet në merkato duke afruar dy futbollistë nga Napoli. Bëhet fjalë për sulmuesin e talentuar anësor Alessio Zerbin dhe fantazistin serb Matija Popovic.
I pari u aktivizua disa herë gjatë fazës së parë nga trajneri Garsia dhe tregoi cilësi të mira në fushë, teksa tashmë do të vijojë karrierën te Monza, ku është huazuar deri në fund të sezonit.
Serbi Popovic u ble nga Napoli vetëm pak ditë më parë, por të kaltrit nuk kanë asnjë vend ekstrakomunitari në ekip për këtë sezon dhe vendosën ta huazojnë te Monza deri në verë.
Me këta dy futbollistë, trajneri Palladino do të ketë më shumë alternativa zgjedhjeje për pjesën e mbetur të kampionatit, ku objektiv mbetet renditja në 10-shen e parë.
