Bayern Munich ka përmirësuar ofertën e tyre për Kieran Trippier, sipas “Sky Deutchland”.
Newcastle duhet të mbledhë para për të rënë brenda parametrave të Fair Play Financiar dhe fitimi i parave nga shitja e 33-vjeçarit mund të jetë një marrëveshje e shkëlqyer.
Lojtari, kontrata e të cili me anglezët skadon më 30 qershor 2025, kërkohet me ngulm nga Thomas Tuchel dhe negociatat mes klubeve janë ende në vazhdim.
Tashmë ka pasur një marrëveshje verbale me Trippier që nga fundjava e kaluar.
Anglezi ishte një nga nënshkrimet e para të pronësisë së re, duke mbërritur në Newcastle në janar 2022 për 14 milionë euro.
Në këtë pjesë të sezonit ai bëri 26 paraqitje, duke dhënë 8 asistime.
Plani B, në rast se marrëveshja nuk shkon, synohet Nordi Mukiele nga PSG.
