Arrestimi i gjashtë shtetasve turq që kanë jetuar në Kosovë dhe ekstradimi i tyre në Turqi, ku akuzohen nga Presidenti Rexhep Tajip Erdogan, ka shkaktuar një reagim të fortë në qarqet e ndryshme të BE.
Rebbeca Harms, zëdhënëse e Punëve të Jashtme dhe eksperte e Turqisë në Grupin e të Gjelbërve në Parlamentin Evropian, i ka bërë thirrje Bashkimit Evropian të japë azil politik dhe mbrojtje për anëtarët e Lëvizjes Gulen, të cilat janë vënë në shënjestër nga presidenti autokrat, Reçep Tayyip Erdogan dhe qeveria turke.
“BE duhet të sigurojë që vendet anëtare të reagojnë në mënyrë të unifikuar duke u dhënë azil politik gulenistëve dhe të sigurohen që BE nuk pranon vende që janë aleatë në Turqinë e Erdoganit”, shkroi Rebecca Harms në një letër drejtuar Federica Mogherini, shefja e diplomacisë së BE.
Reagimet ndaj Kosovës kanë ardhur edhe nga Qendra e Stokholmit për Liri, një nga më të mëdhatë në Evropë. Kjo qendër i bën thirrje BE-së të hetojë orientimin e Kosovës dhe pranimin e saj në BE.
