I ftuar në edicionin qendror të Syri.net, kreu i PODK-së, Nard Ndoka, ka deklaruar se opozitës nuk i duhen mandatet, pasi nuk ka më një parlament normal.
I pyetur nga moderatori Alen Xhelili, rreth mundësisë së dorëzimit të mandateve nga deputetët opozitarë, Ndoka tha se kjo tashmë është normale, pasi në parlament Rama u ka hequr të drejtën e fjalës deputetëve.
Është folur shpesh për djegien e mandateve. Ky nuk është një parlament normal, Rama i ka hequr të drejtën e fjalës opozitës, dhe në këtë moment për çfarë na shërben mandati.
Nëse ne dorëzojmë mandatet ky është fundi i kësaj mazhorance. Unë jam pro dorëzimit të mandateve, pasi nuk ka asnjë shans që ky kryeministër do të reflektojë. Ky është një kryeministër që nuk e kupton realitetin’, tha Ndoka.
