Me Edi Ramën nuk ka zgjedhje. Kështu u shpreh ish-Kryeministri Sali Berisha në një intervistë për Abcnews. Berisha ka sqaruar se kjo u faktua edhe në zgjedhjet e fundit parlamentare ku Rama ishte Kryeministër.
“Unë nuk them, të mos marri pjesë por unë them që me Ramën zgjedhje nuk ka. U faktua kjo. Dhe njeriu nuk mund të bëj të paditurin, eksperimenti u bë”, shprehet Berisha.
Lidhur me zhvillimet në PD, ish-Kryeministri thekson se kjo parti po kalon në një proces, i cili nuk është një proces i lehtë por është një proces plotësisht i mundshën.
“Ky proces, në vlerësimin tim duhet të garantojë bashkimin e të gjitha kontributeve të saj nga njëra anë dhe nga ana tjetër të krijojë gjithë mekanizmat për elektrizimin, afrimin e të rinjve shqiptarë me PD. Ndryshime të rëndësishme statutore po bëhen, me ç’jam informuar, në të cilat do të gjejnë veten edhe ata të cilët kanë patur vërejtje të ligjshme për ecurinë, zhvillimet dhe vvendimmarrjet. Këto ndryshime duhet të garantojnë demokratët se, rruga e tyre për një konkurrencë të ndershme është e hapur në të gjitha nivelet, duhet të garantojë anëtarët e PD se zëri i tyre, për ata që do zgjidhen do të përfillet dhe do merret parsasysh, duhet të garantojë kufizimin e pushtetit të secilit”, thekson ish-Kryeministri.
