GJKKO ka refuzuar ankimimin e biznesmenit, Pëllumb Gjoka për zbutje të masës së sigurisë duke lënë kështu në fuqi masën “arrest në burg”.
Gjyqtarja Atalanta Zeqiraj rrëzoi pretendimet e avokatit të Gjokës për zbutjen e masës.
Prej korrikut, Gjoka mbahet në paraburgim për disa akuza të rënda penale, në kuadër të operacionit “Metamorfoza”. Gjoka, i njohur edhe si investitor strategjik, u arrestua pas zbardhjes së komunikimeve në aplikacionin Sky ECC, ku në pranga përfunduan efektivë policie, prokurorë e ish prokurorë.
Apeli i Posaçëm me një vendim të datës 31 gusht, la në qeli personat e arrestuar në kuadër të operacionit “Metamorfoza”. Pëllumb Gjoka, prokurori Xhevahir Lita, ish-shefi i Operacionales, Oltion Bistri, ish-efektivi Adrit Hasanbegaj, Edmond Preka, shofer i biznesmenit Gjoka, do të qëndrojnë në burg deri në përfundim të hetimeve.
