Rusia lëshoi një tjetër breshëri të madhe raketash dhe dronësh kundër Ukrainës. Ky ishte sulmi i katërt që nga 29 dhjetori, mes shqetësimeve se Moska po përpiqet të mposht mbrojtjen ajrore të Ukrainës. Sulmi rus përbëhej nga 40 armë sulmuese. Ukraina arriti të rrëzonte tetë raketa dhe deklaruan se mbi 20 armë të sulmit ajror nuk arritën objektivat e tyre për shkak të kundërmasave të gjera të luftës elektronike.
Paralajmërimet për sulm ajror dhe mbrojtja u aktivizuan në të gjithë vendin. Pati ndikime në disa rajone. Sipas policisë në Chernihiv, fragmentet e raketave shkaktuan dëme në ndërtesat e banimit të civilëve të pabanuar në qytet. Shkatërrime pati edhe në zonën private të banimit të Chernihiv, por fatmirësisht nuk ka persona të lënduar. Zona ishte dëmtuar më parë dhe kjo është arsyeja pse nuk pati viktima civile tha kryebashkiaku lokal.
Sulmet e së shtunës janë të katërtat më të mëdha që kur Rusia filloi breshëritë e sulmeve në mbarë vendin më 29 dhjetor. Ushtria ruse ka përdorur gjithashtu taktika të reja si pjesë e fushatës së saj ajrore, të tilla si lyerja e dronëve të saj të prodhuar nga Irani me ngjyrë të zezë, duke i kamufluar ato kundër qiellit të natës.
Presidenti i Ukrainës, Volodymyr Zelensky tha gjatë një konference për shtyp me kryeministrin britanik Rishi Sunak se vendi është larg nga mbulimi gjithëpërfshirës ajror.
“Na mungojnë sistemet Patriot dhe na mungojnë sistemet e duhura të diapazoneve të ndryshme. Gjithashtu neve na mungojnë ende sistemet e duhura që luftojnë veçanërisht kundër raketave balistike,” tha Zelensky.
