Presidenti konservator i Polonisë Andrzej Duda njoftoi sot se ka nisur procesin e faljes së dy ish-ministrave të qeverisë të cilët u burgosën këtë javë me akuzën e shpërdorimit të pushtetit, në një zhvillim që thellon më tej ngecjen e presidentit polak me qeverinë e re të qendrës së majtë dhe është përshkallëzimin e trazirave politike në vend.
Polonia po kalon një periudhë të vështirë bashkëjetese midis Dudës, një aleat i qeverisë së mëparshme populiste nacionaliste që udhëhoqi vendin për tetë vjet, dhe qeverisë së koalicionit pro-evropian nën Donald Tusk që mori pushtetin në dhjetor.
Kaminski, ministri i brendshëm i qeverisë së mëparshme dhe një nga zëvendësministrat e tij, Maciej Wojcik, u arrestuan nga policia të martën mbrëma në pallatin presidencial dhe u mbajtën në paraburgim.
