Ish-trajneri i Lacios, por edhe Anglisë, Sven Goran Eriksson tronditi opinionin publik me deklaratën se i ka mbetur edhe një vit jetë pasi është i sëmurë me kancer.
75-vjeçari ka marrë mesazhe të shumta në orët e fundit teksa dallon ai i ish-lojtarit të tij, Wayne Rooney.
Sven Goran Erikson ishte trajneri që i dhuroi ish-sulmuesit debutimin me kombëtaren në vitin 2003 kur ishte vetëm 17-vjeç. Rooney theksoi se Erikson është një person i veçantë dhe e ftoi atë të mos heqë dorë, por të luftoj.
“Një lajm shumë i trishtueshëm ky që mora këtë mëngjes, të gjithë mendimet e mia janë për Erikson dhe familjen e tij. Erikson është një person dhe trajner brilant, është i dashur dhe i respektuar nga të gjithë. Të gjithë jemi me të, i them të mos heqë dorë dhe të vazhdoj të luftoj”, u shpreh Rooney.
