Sokol Mjacaj dhe Ilir Kupa kanë refuzuar urdhërin e ministrit të Drejtësisë, Ulsi Manja për t’u futur në regjimin “41 biss” në burgun e Peqinit.
Mësohet se ata e kanë ankimuar vendimin në Gjykatën e Posaçme, ku GJKKO ka hedhur shortin dhe gjyqtar i çështjes është caktuar Erion Bani.
Vlen të theksohet fakti se Sokol Mjacaj, vetëm pak minuta pasi mësoi lajmin se do të futej në “41 biss”, kreu vrasjen e Arben Lleshit brenda qelisë, dyshohet përkundrejt pagesës. Pas ngjarjes gjykata e Elbasanit i komunikoi tjetër masë arresti në burg Mjacajt, të dënuar përjetë për vrasjen e dy turistëve çek në 2015 në Prekal të Malësisë së Madhe.
Gjithashtu Prokuroria e Elbasanit ka ngritur akuzë dhe për të dënuarin e dytë, Indrit Shaqja me dyshimet se është përfshirë në vrasjen e Arben Lleshit pas Sokol Mjacajt. Ka dyshime se Shaqja, edhe pse mbeti vetë i plagosur nga të shtënat me armë zjarri të ketë qenë përfshirë në planin e Mjacajt.
ndërkohë Albert Kupa alias Ilir Kupe, në vitin 2014-2015, ka qenë i përfshirë në aktivitetin kriminal të grupit të “Babagjyshëve”, pjesëmarrës në disa vjedhje/grabitje, si dhe dhënien e vlerave monetare me përqindje. Gjithashtu, ka qenë person i shpallur në kërkim ndërkombëtar nga shteti grek.
