Villareali eliminohet nga Kupa e Mbretit. “Nëndetësja e verdhë” është mposhtur me penallti nga skuadra e Unionistas, që militon në kategorinë e tretë të futbollit spanjoll dhe i ka dhënë lamtumirën Kupës së Mbretit.
Ilias Akhomach shënoi golin e avantazhit për Villareal në minutën e 82-të, ndërsa 5 minuta më vonë modestët e Unionistës barazuan me penallti. Rezultati final ishte 1-1 dhe skuadrat iu drejtuan penalltive për të përcaktuar të kualifikuarën, teksa fati i buzëqeshi Unionistas.
Villareali konfirmon kështu formën e dobët, ashtu si në kampionat, ku pozicionohet në gjysmën e dytë të tabelës së renditjes, teksa nga Kupa e Mbretit largohet përfundimisht, duke humbur një mundësi për të dalë në kompeticionet europiane.
