Valon Berisha është bashkuar me skuadrën e LASK Linz në Austri. Mesfushori i njohur shqiptar ka firmosur një kontratë që do e mbajë të lidhur me këtë klub deri në vitin 2026.
Berisha u largua nga Reims, skuadër në të cilën kontrata e tij kishte përfunduar. Për 30-vjeçarin është një rikthim në Austri, pasi ka luajtur më parë për Salzburg për shumë sezone. Në CV e Berishës është edhe Melbourne City, ekip ky në Australinë e largët.
“Prej momentit të parë kam qenë i emocionuar pasi jam pjesë e një klubi shumë atraktiv. Po shikoj drejt sukseseve me LASK-un, të cilat jam i bindur se nuk do të na mungojnë gjatë këtyre viteve” – Tha ai.
