Vrasësi i grave, Dan Hutra dhe tre personat e tjerë, Martin Kapllani, Geraldo Veizi dhe Feti Kovaçi që tentuan të arratisën nga burgu mund të izolohen në regjimin 41Bis.
Kërkesa është bërë nga Drejtoria e Përgjithshme e Burgjeve dhe do të shkojë në prokurori.
Planin e arratisjes këta persona e kishin nisur pak para vitit të ri dhe donin që ta realizonin me hyrjen e Janarit.
Policia e burgut dhe autoritetet mbikëqyrëse kanë ndërhyrë duke bërë të mundur zbulimin e aktit të arratisjes që në fakt ishte planifikuar të ndodhte në orët e mesditës, duke shfrytëzuar edhe kohën e drekës.
Të paraburgosurit kishin nisur të prisnin zgarën e dhomës duke e tentuar arratisjen nëpërmjet çarçafëve.
