Më 4 prill në orën 18:30 do të luhet derbi “Madonnina” i parashikuar për t’u luajtur javë më parë por që u shty për shkak të vdekjes së kapitenit të Fiorentinës, Davide Astori.
Takimi mes dy ekipeve milaneze do të luhet në një ditë me dy përballjet e fazës çerekfinale të Champions League, Barcelona – Roma dhe Liverpool – Manchester City. Megjithatë dy sfidat e UCL startojnë në orën 20:45.
Sky ka bërë një parashikim për rezultatin e saktë të ndeshjes Milan – Inter që do të luhet ditën e mërkurë në “San Siro”.
Bazuar në algoritëm matematik, ekzistojnë dy hipoteza që sipas kritereve statistikore nxjerrin këto dy rezultate për këtë përballje.
Dy parashikime të Sky që me siguri do të rebelojnë tifozët kuqezi, por nga ana tjetër do të gëzojnë ato zikaltër.
E para shkon barazim 1-1 me golat e Susos ( 55’) dhe të Icardit në minutën e 76’. Duket që sipas këtij parashikimi pjesa e parë do të jetë pak më e vakët, ndërsa në të dytën do të vijnë golat.
Hipoteza e dytë flet për djemtë e Luciano Spalletit, kapitenin Mauro Icardi dhe kroatin Perisic, të cilët supozohet t’i japin fitoren skuadrës.
Ashtu sikurse në parashikimin e parë, për kuqezinjtë e Gattusos autori i vetëm i golit do të jetë, Suso.
