Një ngjarje e rëndë raportohet të ketë ndodhur në stacionin Shinagawa të Tokios, ku dy avionë janë përplasur me njëri-tjetrin në rrethana ende të paqarta, e si pasojë humbën jetën 5 pasagjerë.
Mediat vendase shkruajnë se në bord ishin rreth 379 persona, disa prej të cilëve kanë rrëfyer momentet e tmerrit.
“Kur pashë për herë të parë avionin duke u djegur, u befasova sepse po digjej më shumë nga sa e mendoja. Ishte një mrekulli që të gjithë pasagjerët u shpëtuan.”
“Zjarri ishte tronditës, sepse po pyesja nëse pasagjerët në bord do të ishin mirë, sepse flakët ishin kaq të mëdha. Shumë gjëra kaluan nëpër kokën time”.
Një pasagjer që mundi të shpëtonte së bashku me familjarë të tij vlerëson stjuardesat e avionit që luajtën rolin e psikologes për udhëtarët e traumatizuar.
“Kishte britma, por stjuardesat po na drejtonin qetësisht. Edhe pse dëgjova britma, shumica e pasagjerëve ishin të qetë dhe nuk ngriheshin nga vendet e tyre, por rrinin ulur dhe prisnin. Kjo është arsyeja pse unë mendoj se ne arritëm të largoheshim pa probleme”.
Policia japoneze po heton nëse përplasja mes dy avionëve ku humbën jetën pesë persona, ishte për shkak të ndonjë gabimi nga personeli.
