Aktori britanik Tom Wilkinson, i njohur në filmat si “The Full Monty”, “Shakespeare In Love” dhe “The Best Exotic Marigold Hotel”, ka vdekur papritur në moshën 75-vjeçare, sipas BBC.
Wilkinson fitoi një çmim “Bafta” për rolin e tij në “The Full Monty” në vitin 1997.
Ai mori gjashtë nominime çmimin “Bafta” si dhe dy nominime për “Oscar”, për rolin e tij në “Michael Clayton” dhe “In The Bedroom”.
“Ai vdiq sot në shtëpi pranë bashkëshortes dhe familjes së tij”, thuhet në deklaratë.
Me më shumë se 130 kredite filmike dhe televizive gjithsej, Wilkinson ishte po aq i suksesshëm në dramat si “Sense and Sensibility” në 1995 dhe “Belle” në 2013, dhe rolet e tij si organizatorë kriminalë në filma si “Rush Hour” përballë Jackie Chan në 1998 dhe “Guy Ritchie’s RocknRolla” në 2008 .
Ai gjithashtu fitoi një “Emmy” për rolin e figurës politike amerikane Benjamin Franklin në mini-serialin e vitit 2008 “John Adams” dhe një nominim për “Emmy” për rolin e tij si babai i John F Kennedy në “The Kennedys”.
Ai luajti rolin e presidentit Lyndon B Johnson në “Selma” në vitin 2014 dhe u shfaq në “Hotel Grand Budapest” dhe “Girl with a Pearl Earring”.
I lindur në Leeds përpara se të transferohej në Kanada dhe më pas në Cornwall në fëmijëri, ai e zbuloi pasionin e tij në moshën 18-vjeçare kur iu kërkua të drejtonte një shfaqje.
Ai u trajnua në Akademinë Mbretërore të Artit Dramatik (Rada) përpara se të ndiqte rrugën drejt teatrit dhe televizionit.
Në vitin 1986, ai mori rolin e tij të parë të madh në ekran në mini-serialin “First Among Equals”, bazuar në romanin më të shitur të Jeffrey Archer.
Përkrah tij luante Diana Hardcastle. Çifti u martua në vitin 1988, dhe luajtën burrë e grua në “The Kennedys” në 2011, dhe në filmin aksion të 2014″ Good People”. Çifti ka dy vajza, Alice dhe Molly.
Wilkinson fitoi nominimin e tij të dytë për çmimin Oscar për rolin e tij dytësor në thrillerin ligjor të Tony Gilroy të vitit 2007, Michael Clayton, me protagonist George Clooney.
Në Nderimet e Vitit të Ri 2005, Wilkinson u emërua Oficer i Urdhrit të Perandorisë Britanike (OBE) për kontributin e tij në dramë.
/ata/
