Presidenti i Turqisë Rexhep Taip Edogan ka kërcënuar kryeministrin kosivar Ramush Haradinaj, por falenderon Presidentin Hashim Thaçi për bashkëpunimin.
Në mesazhin e dhënë Erdogan shpreh mirënjohje për presidentin e Kosovës në lidhje me bashkëpunimin në arrestimin dhe më pas deportimin e 6 shtetasve turq me banim në Kosovë, që dyshohet si anëtarë të organizatës së drejtuar nga Fetulla Gylen. Ndërkohë e ka konsideruar veprim të turpshëm masën e marrë nga Haradinaj për largimin e ministrit të brendshëm dhe kreut të shërbimit sekret.
“Operacioni i fundit në Kosovë (Operacioni i MIT-it në Kosovë kundrejt strukturës së FETO-s në Ballkan) nuk është as i pari, nuk do të jetë as i fundit. Prej këtu e falënderoj presidentin e Kosovës. Por kryeministrit i them ‘Turp’. Sepse largimi nga detyra i kreut të inteligjencës, ministrit të Brendshëm, të cilët na i dhanë anëtarët e organizatës terroriste FETO, është një gabim historik. Sepse ato e bënë detyrën e tyre”, raporton Anadolu Agency (AA),
Përkrahësit e kësaj organizate Turqia i konsideron si terroristë që morën pjesë në grushtin e shtetit dy vjet më parë. Por diferencimi mes Thaçit dhe Haradinajt duket se ka shtuar dyshimet se presidenti ishte në dijeni të operacionit për arrestimin e gjashtë shtetasve tyrq, që të gjithë mësues në kolegjin “Mahmet Akif” në Kosovë.
