Akoma po u mbyllur mirë skandali i një pedagogu në Universitetin e Shkencave në Tiranë, i cili është vënë nën akuza nga studentët se kërkon lekë për provimet, një tjetër rast abuzimi është publikuar ditën e djeshme. Këtë herë bëhet fjalë për ngacmim seksual.
Ka qenë faqja ‘Vipat e Bllokut’, e cila ka publikuar disa foto, ku pretendon se pedagogu i Universitetit Bujqësorë të Tiranës, i kërkon seks studentes së tij.
Pedagogu në fjalë është Ilir Kaduku, i cili ka reaguar ditën e djeshme pasi bisedat janë bërë publike.
Përmes një status në profilin e tij në Facebook, ai thotë se të gjitha bisedat janë sajesa, ndërsa ka shtuar se ka marrë masa ligjore për këtë rast.
