Pas takimit me drejtori e Policisë së Kukësit, deputeti i PD, Edmond Spaho ka bërë thirrje që të lirohen 24 persona e arrestuar.
Sipas Spahos, në lidhje me protestën e djeshme për heqjen e taksës në “Rrugën e Kombit”, janë lëshuar dhe 24 udhër-arreste të tjerë.
“Atij i thamë që i ka prerë në besë qytetarët e Kukësit, pasi dje u është kërkuar që në këmbim të anulimit të protestës nuk do të arrestohet njeri. Gjatë natës si në diktaturë janë arrestuar 24 persona dhe janë lëshuar urdhër-arreste edhe për aq të tjerë. I kërkuam drejtorit ta ndërpresë këtë klimë, i kërkuam që të lirojnë të arrestuarit që i kanë çuar në Tiranë dhe t’i futemi rrugës së dialogut. Nëse vazhdohet kështu situata mund të eskaloj. Shpresoj që ky zë të jetë dëgjuar.”
Opozita ndodhet sot në Kukës një ditë pas protestës, sipas tyre qeveria nuk duhet të dhunojë qytetarët por të dëgjoj zërin e tyre kundër padrejtësive.
