Ballkani e ka mbyllur aventurën europiane me humbje 3 me 0 në transfertën e Dinamo Zagreb. Ishin 3 gola nga minuta e 69’ deri në minutën e 78’, që vendosën gjithçka për djemtë e Ilir Dajës.
Suharekasit e mbyllin kështu grupin në vendin e fundit me 4 pikë, po aq sa Astana. Në anën tjetër Dinamo e Zagreb u kualifikua si e dyta e grupit C me 9 pikë. Viktoria Plzen i mori të gjitha pikët e plota. Zyba, mesfushori i Ballkanit, foli për mikrofonin e SuperSport në përfundim të sfidës.
Çfarë ndodhi këtë ndeshje
Më dhimbset sepse nuk e merituam. Të barabartë deri në minutën 70. Ne erdhëm për të luajtur ballazi për kualifikim. Kundërshtari ka kontigjent më të madh, dhe kushtet që ka, e bëjnë favorit.
Ne jemi të lumtur me historinë që kemi bë në Kosovë. Shpresoj që vit pas viti ta bëjmë.
Largim në verë?
Ne punojmë çdo dit dhe kemi ëndërr. Patjetër që e kam prit të shkoj te Kosova, falenderoj trajnerin dhe klubin. Për lëvizje mbetet për t’u parë. Nuk është punë e imja sepse kam kontratë me Ballkanin.
