Ministri i Berndshëm Fatmir Xhafaj doli në një konferencë shtypi për situatën e rëndë të krijuar në rrugën Durrës-Kukës, që u kthye në dhunë dhe shkatërrim të zyrave të kompanisë konçensionare për vjeljen e taksës.
“Manifestimi i presupozuar paqësor, u shndërrua në sulm barbar të policisë së shtetit. Mes tyre gjendeshin elementë me të shkuar kriminale dhe me rrezikshmëri të lartë shoqërore”-tha ministri Xhafaj. Sipas tij, asnjë e drejtë e pretenduar nuk mundet të justifikojë në asnjë kohë e asnjë rrethanë sulmin ndaj policisë së shtetit dhe shkatërrimit të pronës. “Janë plagosur 12 punonjës të FNSH-së, ndërsa një tjetër efektiv është në gjendje më të rëndë, që po merr trajtimin e duhur shëndetësor”-tha ministri.
Ndërkohë është munduar që të ndajë pjesën më të madhe të protestuesve me ata që i konsideroi elementë kriminalë që do të përballen me ligjin. Gjithashtu Xhafaj reagoi politikisht, duke kërkuar që qytetarët të distancohen nga thirrjet për dhunë të një pjese të politikanëve.
