Nënkryetari i OMONIA-s Jorgo Xhomaka, i ftuar në emisionin “Review” në Euronews Albania, foli në lidhje me veton e Shqipërisë ndaj Greqisë.
Ai theksoi se duan zgjidhjen e çështjes “Beleri” në mënyrë që Greqia të mos vendos veto ndaj Shqipërisë.
Sipas tij, Beleri duhet të shkojë e të betohet në mënyrë që të mos ketë pasoja të tjera për Shqipërinë.“Si Omonia duam zgjidhen e çështjet Beleri që të mos ketë asnjë pengesë nga Greqia. Ne nuk jemi përfaqësues të qeverisë greke. Ne nuk duam asnjë veto për Shqipërinë por të zgjidhet çështja ‘Beleri’. Beleri të shkojë e të betohet dhe të mos ketë pasoja të tjera për Shqipërinë. Ne si Omonia nuk vendosim se çfarë do bëjë qeveria greke”-tha ai.
