Një vajzë 17-vjeçare është raportuar e humbur në qytetin e Vushtrisë në Kosovë. E ëma e adoleshentes ka bërë kallëzimin pranë organeve të policisë, ku ka deklaruar se ka humbur kontaktet me vajzën që prej ditës së premte.
Përmes një komunikate për media, Policia e Kosovës ka bërë të ditur rastin. Për mediat kosovare, e ëma ka deklaruar se nuk ka asnjë dijeni se ku mund të ndodhet vajza e saj O. Ejupi.
Një numër telefoni është vendosur në dispoozicion për të gjithë ata që mund të kenë informacione.
“Vushtrri 07.12.2023 – 23:45. Ankuesja femër kosovare ka informuar se vajza e saj, viktima femër kosovare- e mitur është larguar nga shtëpia dhe nuk është kthyer më. Rasti është duke u hetuar”, thuhet në raportin 24 orësh të policisë.
