Këngëtari Sinan Hoxha i ftuar në Ora news, ka rrëfyer momentin kur është bërë këngëtar i famshë.
AI thotë se karriera e tij mori sukses brenda 24 orësh, kur në atë kohë mori pjesë në një festival që zhvillohej në Durrës.
“Unë gjithë kohës jam marrë me angazhime me kurse në Greqi. Por vija njëherë nga Greqia kisha një dasëm në familjen time dhe gjatë dasmës një nga muzikantët që më njifte mua më ftoi për të kënduar në greqisht. Aty ishte një kompozitor, Alban Fortuna shumë i njohur që ka bërë disa nga këngët e mia. Ai më thotë do vish në studio sepse kam një këngë dhe dua të ma këndosh. Kënga ishte në greqisht, “Fotografia”. Shkoj tek studioja dhe unë e këndoj greqisht.
Mbaroj këngën dhe i them se duhet të iki në Greqi. Më tha do të përcjell unë, se nuk kishim makina. Kur zbresim nga autobusi tek banka përballë ishte Bashkim Hoxha që në atë kohë kishte Teuta Televizion që nuk është më. Ai bëntë një festival për zërat e rinj në Durrës. E bënte me një bashkëpunim me Alban Karabashin, që kishte në menaxhim The Dreams me Flori Mumajezin. Pra Sinon Hoxha dhe The Dreams kemi dalë në një ditë në një orë në një skenë tek festivali që bëhej në shesh në Durrës.
Ky festival ishte me cmime. I thotë: Alban kam festivalin por nuk kam prurje, më duhen ca këngëtarë të rinjtë muzikës së lehtë. Po ja ku e ke, i thotë. Unë…duhet të ikja në Greqi. Bashkimi dëgjon këngën dhe thotë perfekt, vetëm se thotë me një ndryshim duhet bërë shqip. Kthehem me kompozitorin bëjmë tekstin edhe lindi kënga “Fotografia”. Shkojmë në festival, më kishin thënë që do marrësh një kitarë. Në jetën time nuk e dija si mbahej kitara. Mbaroj kënga dhe publiku shpërtheu me ovacion. Çmimi i parë Flori Mumajezi, cmimi i dytë Sinan Hoxha. Nga ajo ditë për 24 orë kënga u bë hit.”
