Një denoncim i ardhur në adresë të ish-Kryeministrit Sali Berisha, bëhet publik nga ky i fundit në faqen e tij në Facebook.
“Arrestimi i 42-vjeçarit Artan Kraja nga policia, erdhi pasi për mosdakortësi pazari, ai nuk pranoi t’ia shesë lënën narkotike një të afërmi të kryebashikut socialist të Fushë-Krujës Artur Bushi”.
Në mesazhin ardhur në adresë të kryeministrit, thuhet se edhe policia lokale ka pasur dijeni se Kraja dhe grupi i tij mbillnin lëndë narkotike prej dy vitesh, por mbyllnin një sy në këmbim të ryshfetit.
Sipas policisë, 42-vjeçari Artan Kraja u vu në pranga pasi “gjatë kontrollit të ushtruar në një karroceri-trailer të prishur, që ai e kishte përshtatur si magazinë, u gjetën dhe u sekuestruan në cilësinë e provës materiale 188 kg e 650 gr lëndë narkotike e dyshuar e llojit marijuhanë”.
