Një banesë është përfshirë nga flakët mbrëmjen e së shtunës në Fan të Mirditës. Banesa ishte në pronësi të shtetasit Pjetër Preçi, 75-vjeç, i cili jetonte i vetëm.
75-vjeçari i ve, fatmirësisht shpëtoi pasi ishte larguar vetëm pak çaste para se shtëpia e tij të ndizej nga flakët. Shkak dyshohet të ketë qenë një sobë zjarri e amortizuar që e përdorte për ngrohje e gatime.
Flakët kanë shkrumbuar të gjithë banesën, duke e lënë kështu të moshuarin në qiell të hapur, në mes të acarit.
Aktualisht mësohet se ai është zhvendosur tek të afërmit që ndodhen në Mamurras në pritje për tu ndihmuar nga autoritetet.
