Tre emrat e fundit të ekipeve pjesëmarrëse në “EURO 2024” do të vijnë nga ndeshjet play-off që zhvillohen në marsin e vitit të ardhshëm.
Skuadrat që janë në garë, kanë siguruar praninë atje falë renditjes së tyre në Ligën e Kombeve, por do të duhet një short për të ndarë përfundimisht ndeshjet.
Shkak është bërë fakti se ekipet e Finlandës, Ukrainës dhe Islandës, kanë siguruar të drejtën të jenë në play-off edhe pse nuk ishin fituese grupesh në Ligën e Kombeve, por duke plotësuar vendet e lëna bosh nga të tillë.
Me shortin që UEFA hedh të enjten në drekë, një nga këto skuadra do të caktohet si kundërshtari i Uellsit në Ligën A, ndërsa dy të tjerat kalojnë në gjysmëfinalet e Ligës B.
Vetëm Liga C ishte e paracaktuar praktikisht pa ndryshime pasi 4 skuadrat atje kishin fituar grupin e tyre në Ligën e Kombeve. Kurse Estonia, ka kaluar si fituese nga Liga D, në vendin bosh në atë A, sipas rregullores së aktivitetit.
PLAY-OFF A
Poloni-Estoni
Uells-Finlandë/Ukrainë/Islandë
PLAY-OFF B
Izrael-Finlandë/Ukrainë/Islandë
Bosnjë Hercegovinë-Finlandë/Ukrainë/Islandë
PLAY-OFF C
Gjeorgji-Luksemburg
Greqi-Kazakistan
12 skuadrat që mund të kualifikohen në Euro 2024 nëpërmjet Play-Off-it.
