Reshjet e shumta të shiut që po bien në Malin e Zi, kanë bërë që të ndërpritet ndeshja Mali i Zi U-21 – Shqipëri U-21 e vlefshme për kualifikueset e Europianit të kësaj grupmoshe.
Fusha e blertë u mbulua nga uji dhe kur nuk kishte kaluar gjysmë ore lojë, pikërisht minuta 27, zyrtarët kanë vendosur që ta ndërpresin takimin.
Ndeshja mes Malit të Zi U-21 dhe Shqipërisë U-21 nuk do të zhvillohet gjatë ditës së sotme.
Më vonë do të mësohet edhe vendimi se kur do të rifillojë dhe data kur do të luhen minutat e mbetura të ndeshjes, e cila deri në momentin e ndërprerjes ndodhej në shifrat 0-0.
