Një zjarr i madh ka rënë në objektin e Institutit të Mjekësisë Ligjore në Prishtinë mëngjesin e sotëm.
Konkretisht zjarri ka shpërthyer në një zyrë në katin e dytë të këtij objekti. Lajmi është konfirmuar nga udhëheqësi i zjarrfikësve të Prishtinës, Malë Gashi.
“Një zyre në katin e dytë të objektit të Institutit të Mjekësisë Ligjore është përfshirë nga zjarri. Ekipet kanë shkuar në vendin e ngjarjes dhe e kanë lokalizuar zjarrin. Ndërsa sipas informatave që kemi nuk ka persona të lënduar”, ka deklaruar Gashi.
Objekti i IML-së ishte përfshirë nga flakët edhe në fund të marsit, ndërsa ende nuk dihet nëse zjarri ishte rastësor apo i qëllimshëm. Autoritetet vijojnë punën për zbardhjen e plotë rastit.
