Alphonso Davies duket se është objektivi kryesor i Real Madrid për merkaton e verës së ardhshme.
Mbrojtësi i majtë kanadez i Bayern Munich është i zgjedhuri për të përforcuar një zonë të fushës në të cilën Reali është objektivisht në emergjencë, deri në atë pikë sa duhet të përshtatet Eduardo Camavinga.
Me një kontratë deri në vitin 2025 me gjermanët, Davies, i lindur në vitin 2000, është i tunduar nga Reali, që siç raporton AS është gati të intensifikojë kontaktet me menaxherin e lojtarit, Nedal Huoseh.
Madrilenët, në fakt, synojnë të bindin lojtarin, si për të shmangur përplasjet me Bayernin, presidenti i të cilit Herbert Hainer tha se ka besim se Davies mund të qëndrojë në Gjermani, dhe mbi të gjitha për të shmangur ankandet e rrezikshme me klubet e Premier League.
Manchester City dhe Chelsea, në fakt, janë gjithashtu në gjurmët e Davies dhe mund të shkojnë aq larg sa t’i bëjnë Bayern-it oferta më të larta sesa ajo e Real Madridit.
Në fakt, Los Blancos nuk duket se duan të shkojnë përtej 50 milionë eurove, një shifër që konsiderohet e përshtatshme duke marrë parasysh rolin, perspektivat dhe kohëzgjatjen e kontratës së Davies, i cili u transferua në Gjermani në 2019.
