“Sulmet e Hamasit ndaj Izraelit nuk justifikojnë ndëshkimin kolektiv të palestinezëve” , tha sot Sekretari i Përgjithshëm i Kombeve të Bashkuara, Antonio Guterres.
“Gjërat e tmerrshme që ka bërë Hamasi nuk mund të përdoren si arsye për ndëshkimin kolektiv të popullit palestinez,” tha Guterres në një intervistë për CNN, duke shtuar se 101 anëtarë të stafit të OKB-së janë vrarë deri më tani në luftën Hamas-Izrael që ka shpërtheu që nga sulmi i 7 tetorit nga Hamasi në jug të Izraelit.
Sulmet ndaj civilëve në Gaza janë konsideruar të papranueshme edhe nga SHBA. Ka qenë këshilltari i Shtëpisë së Bardhë për Sigurinë Kombëtare, Jake Sullivan që u shpreh se SHBA është kundër sulmeve ndaj spitaleve në Gazë.
