Një lajm tronditës vjen nga Rogozhina, pasi sulmuesi i Egnatias, Raphael Dwamena ka ndërruar jetë në spital. Lajmi bëhet i ditur nga burime pranë spitalit të Rrogozhinës.
Në minutën e 24-të të ndeshjes Egnatia-Partizani, Raphael Dwamena u rrëzua pa ndjenja në fushën e lojës, duke tronditur të gjithë të pranishëmit, për shkak të historikut që sulmuesit që ka pasur probleme me zemrën në të kaluarën.
E menjëhershme ndërhyrja e stafit mjekësor teksa futbollistët e të dyja skuadrave e rrethuan sulmuesit në mënyrë që pamjet e rënda të mos transmetoheshin.
Ai u dërgua me urgjencë në spital, por fatkeqësisht nuk ka arritur dot të mbijetojë dhe ka ndërruar jetë, duke mbyllur sytë përgjithmonë në moshën 28-vjeçare.
Sulmuesi ka patur një problem në zemër dhe është këshilluar nga mjekët në Zvicër në vitin 2019 që të lërë futbollin.
Për shkak të një defribilatori të vendosur në zemrën e sulmuesit, mjekët e këshilluan që të linte sportin. Pas rikthimit në fushë gjatë 2022 me BSC Old Boys në kategorinë e pestë zviceriane dhe tetë golave të shënuar, sulmuesi kërkoi një “jetë të dytë” në elitën e Shqipërisë.
Nënshkrimi i tij në ligën profesioniste të Shqipërisë bëri bujë në mediet zvicerane, kjo për shkak të problemeve me zemrën. Dwamena ka qenë pjesë e Zurich, Levante, Real Zaragoza dhe në 2019 ishte gati të nënshkruante me Brighton në Premier League por u ndal nga problemet në zemër.
Këtë sezon ai udhëhiqte listën e golashënuesve në kampionatin shqiptar, duke gjetur golin 9 herë, por ëndrrat iu prenë në mes.
Ndeshja Egnatia-Partizani u anulua, teksa mbetet për t’u parë se çdo të ndodhë me ndeshjet e tjera të kampionatit,
