Nick Ducich mori drejtimin e ‘brigadës së harruar’ të NATO-s në Kosovë këtë muaj, ai e gjeti veten në qendër të një prej konflikteve etnike më të përfolur të Evropës dhe kjo për arsyen e vetme sepse ishte me origjin serbo-amerikane.
Shqiptare e Kosovës u zemërua nga emërimi i Ducich, një shtetas amerikan me origjinë serbe të qëndronte në krye të forcave më të rëndësishme për të, por kjo ishte një shenjë e qartë se Uashingtoni donte që Kosova të bënte më shumë kompromise në bisedimet e drejtuara nga BE-ja me Serbinë. Ndërkohë, mediat nacionaliste të Serbisë publikuan një seri shkrimesh që pretendonin se Nick Ducich do t’i kthejë Kosovën-Serbisë.
Në një kohë kur ndërhyrja ruse në rajon po rritet, përpjekjet paqeruajtëse të NATO-s në Kosovë kanë marrë rëndësi strategjike më të madhe, sidomos tani që tensionet mes serbëve dhe shqiptarëve po rriten sërish.
Ducich, gjyshërit e të cilit emigruan në Amerikë rreth një shekull më parë, hodhi poshtë pretendimet në mediat sociale, se ardhja e tij në Kosovë përbën një axhendë të fshehur.
“Unë mendoj se KFOR-i ka qëndruar për të gjithë.
Një nga parimet kryesore të KFOR-it është paanshmëria e tij” – u shpreh Nick Ducich.
“Unë jam oficeri i parë amerikan me origjinë serbe që komandoj këtë grup shumë-kombësh” – u shpreh veterani 30-vjeçar i Gardës Kombëtare të Kalifornisë.
“Kam privilegjin të shërbej këtu dhe do të angazhohem maksimalisht që Kosova të ketë një mjedis të sigurt për të gjithë njerëzit”.
Por, atmosfera e ngarkuar etnikisht është një nga arsyet pse Ballkani po vazhdon të krijojë shqetësim për NATO-n.
Komandanti i lartë ushtarak, Curtis M. Scaparrotti, me detyrë general i komandës së SHBA për Europën, i tha Kongresit amerikan këtë muaj se për të, Ballkani është një nga rajonet më problematike.
“Zona për të cilën jam shumë i shqetësuar sot është Ballkani.
Rusia po punon në Ballkan dhe ne i kemi hequr sytë nga aty” – u shpreh Scaparrotti.
