Kushte jashtë çdo standardi, deri katastrofike. Janë këto pamjet brenda urgjencës së Tiranës, të publikuara nga deputeti i PD Bardh Spahia.
Në disa video të postuara në Facebook, deputeti demokrat denoncon gjendjen skandaloze të një prej institucioneve shëndetësore me më shumë fluks në Shqipëri.
“Kur pamjet flasin vetë e çdo koment do ishte i tepërt. Këto janë pamje nga Urgjenca e Tiranës.Autoambulanca pa asnjë pajisje për t’i ardhur në ndihmë pacientëve si dhe kushte skandaloze të ambienteve të urgjencës. I gjithë shërbimi mbulohet nga 6 autoambulanca ku duhet të punojnë 30 vetë personel në çdo turn (mjekë, infermierë, shoferë). Shqiptarë, ‘Rilindja’ dëmton rëndë jo vetëm xhepin por edhe shëndetin!”,- shkruan Bardh Spahia.
