Një nga tragetet e linjës Bari-Durrës është dëmtuar mëngjesin e kësaj të premte në portin italian e si pasojë nuk është nisur drejt Durrësit.
Burime nga porti i Barit bëjnë me dije se trageti AF Marina ka pësuar një avari në nisje. Ai është dëmtuar në pjesën e bashit.
Sipas pasagjereve në traget, ai ka pasur defekt në sistemin e timonit, ndërsa thonë se ende nuk u është komunikuar ora e nisjes.
Përveç pasagjerëve të shumtë, në traget janë edhe kamionët e transportit të mallrave.
