Trajneri i Dinamos, Dritan Mehmeti, shpeshherë është shprehur në konferencë se problemet fizike në ekip janë ‘armiku’ kryesor për momentin në skuadër.
Mungesa të shumta prej dëmtimeve dhe gjendja jo e mirë fizike e kanë penalizuar ekipin në këto javë teksa kanë sjellë edhe rezultatet më negative në Superiore.
Por, një goditje merr sërish teksa sulmuesi Redon Danaj është detyruar të kryejë një operacion që do ta mbajë larg fushave për të paktën 3 muaj.
Lezhjani ishte prej kohësh i dëmtuar, por në klub shpresohej për një rikuperim pa nevojën e operacionit e cila nuk ndodhi.
Klubi dinamovit ka publikuar një foto të lojtarit nga shtrati i spitalit pas operacionit ku urojnë rikthimin e shpejtë të tij.
“Kthehu më i fortë Redon! Shërim të shpejtë Redon Danaj”, shkruan klubi.
