Çatia e amortizuar e një banese ka zënë poshtë kryefamiljaren, por fatmirësisht ka arritur të mbijetojë.
Gruas i ka rënë trari në këmbë.
Banesa e vjetër e Xhemil Metos në lagjen “Sheq i Madh” në Fier, ishte ndërtuar dekada më parë.
Gruaja e Xhemilit, Bukuria është përcjell me anë të ambulancës për në spitalin e Fierit, ku ndodhet jashtë rrezikut për jetën.
“Bërtiti ajo dhe vrapova sepse dëgjova zhurmën. Ndërtesa është ndërtuar në vitin 1968. E nisa me gjithë çupën për në spital”,- ka thënë i moshuari.
Në banesë kanë qenë dy të moshuarit dhe vajza e tyre.
Godina më parë ka shërbyer si çerdhe.
