Një burrë është shtypur për vdekje nga një robot në Korenë e Jugut, pasi nuk arriti që ta dallonte atë nga kutitë e ushqimit që po trajtonte, raportojnë mediat e huaja.
Incidenti ndodhi kur burri, një punonjës i një kompanie robotike rreth të 40-tave, po inspektonte robotin. Krahu robotik, duke e ngatërruar burrin për një kuti me perime, e kapi atë dhe e shtyu trupin e tij në rripin e transportit, duke i shtypur fytyrën dhe gjoksin, tha agjencia e lajmeve koreano-jugore Yonhap.
Ai u dërgua në spital, por nuk arriti dot të mbijetonte. Sipas Yonhap, roboti ishte përgjegjës për ngritjen e kutive me speca dhe transferimin e tyre në paleta.
Punëtori kishte kontrolluar funksionimin e sensorit të robotit përpara testimit të tij në fabrikën e klasifikimit të specave në provincën Gyeongsang Jugor, të planifikuar për në 8 nëntor. Në një deklaratë pas incidentit, një zyrtar nga Kompleksi Bujqësor i Eksportit Donggoseong, i cili zotëron fabrikën, bëri thirrje për krijimin e një sistemi “të saktë dhe të sigurt”.
Në mars, një burrë nga Koreja e Jugut rreth të 50-tave pësoi lëndime të rënda pasi u bllokua nga një robot ndërsa punonte në një fabrikë të prodhimit të pjesëve të automobilave.
