Ish-zv.drejtori i Policisë së Shtetit, i ka shpëtuar paraditen e sotme përballjes në gjyq me Emiljano Shullazin, i akuzuar për gjobëvenie. Avokatët e Shullazit i kërkuan Gjykatës të thërras si dëshmitar Çipën, i cili ka mbajtur detyrën e drejtorit të Mbrojtjes së Dëshmitarëve në Ministrinë e Brendshme.
Por kjo kërkesë u rrëzua nga Gjykatë në seancën që u zhvillua pak minuta më parë.
Avokatët e Shullazit këruan dëshminë e Ardian Çipës për të sqaruar lidhjet e mundshme familjare të njërit prej dëshmitarëve në proces me Ylvi Beqjan, i cili ka dëshmuar kundër Shullazit dhe është bërë bashkëpunëtor i drejtësisë. Por Gjykata e Krimeve të Rënda nuk e vlerësoi të arsyeshme thirrjen e Çipës në këtë proces gjyqësor.
Ardian Çipa i cili ka mbajtur detyra të larta në Policinë e Shtetit nuk u përfshi as në hetimet e dosjes “IMSI Cathcer” edhe pse ishte eprori direkt i Shefit të Operacioneve Speciale, ndaj të cilit Gjykata caktoi masën e sigurisë “arrest shtëpie” si i dyshuar për shpërdorim detyre.
Po ashtu Çipa ka qenë vartës direkt i ish-Drejtorit të Përgjithshëm të Policisë së Shtetit, Haki Çako i cili u pezullua nga detyra me vendim gjykate në kuadër të hetimeve për dosjen “IMSI Cathcer”.
