Pas ndeshjes ndaj Norvegjisë, trajneri i Kombëtares, Christian Panucci, deklaroi se Norvegjia ishte shumë më lart fizikisht. “Në këtë moment, Norvegjia është më mirë se ne. Ne nuk kishim 3-4 lojtarë. Diferenca ishte në planin fizik, sepse Norvegjia ishte më lart.
Ata shkonin më shpejt te topi dhe kjo na penalizoi. Balaj? Shpesh herë e humbnim topin shpejt. Nuk e gjenim Roshin të lirë. Norvegjia ishte shumë e fortë në ajër dhe mendova që të kisha dy sulmues për të vendosur në presion mbrojtjen kundërshtare.
Zëvendësimet në fund? Nuk doja të ndryshoja Grezdën, sepse ishte i vetmi që po bënte diçka më shumë.
Mungesë grinte? Mavraj, Sadiku, Ajeti nuk kanë luajtur kohët e fundit dhe për këtë arsye na mungoi pak ‘zjarri’ në fushë.
Cikalleshi nuk luajti? Nëse do të kisha problem me Cikalleshin nuk do ta grumbulloja. Por, mendova të luante Balaj, sepse është një lojtar më ‘pykë’ se Cikalleshi.
Ramadani, Lika? Ramadani bëri një lojë të mirë, që mund të bëjë pjesë në Kombëtare edhe në vazhdim. Edhe Likën e kam parë që ka gjithnjë nerv loje. Edhe Bare është një futbollist interesant”- u shpreh Panucci.
