Deputeti socialist i vlorës Alket Hyseni është denoncuar nga Partia Demokratike për përvetësim pronash që në vitin 2014. Në atë kohë, PD denoncoi një rast abuzimi në Golem, kohë kur Hyseni punonte në Kryeministri.
Rasti në fjalë është sjellë në vëmendje nga Edi Lesi, i cili ka postuar në rrjetin social denoncimin.
“Në prilll 2014, denoncuam një rast. Pronari i një kompleksi në Golem, tha se një farë Alket Hyseni, jo vetëm nuk i kishte shlyer tërë paratë e vilës, por i mori me forcë dhe oborrin, sepse punonte në kryeministri, pikërisht në Task Force e trojeve të bregdetit. Pronarin e tokës e përcollën me radhë, policia, prokuroria, qeveria, askush nuk e dëgjoi. Ky Alketi sot është deputeti i Ramës, i zgjedhur prej tij për ta mbrojtur edhe nëpër studio. Kuptohet, duhet të jesh përsëritës në grabitje tokash në bregdet për të bërë hajër në politikë”, shkruan Lesi.
