Cristiano Ronaldo dhe Georgina më shumë se e kanë shijuar duket se kanë vuajtur gjatë ndeshjes së boksit mes Tyson Fury dhe Francis Ngannou në Arabinë Saudite.
CR7 dhe partnerja e tij kanë qenë pjesë e një rrethi të madh personazhesh të famshëm që kanë ndjekur live super përballjen në hapjen e sezonit të boksit në Riad. Bashkë me ta kanë qenë, mes të tjerëve, edhe Eminem me Kanye West.
Ronaldo nuk është dukur aspak i qetë gjatë dyluftimit. Si Fury ashtu edhe Ngannou janë miqtë e CR7 dhe ishte shumë e vështirë të kuptohej se më kë ishte portugezi.
Në një video që është bërë virale, e publikuar në profilin e TNT Sports në X, Ronaldo është kapur teksa mbante frymën kur Fury dhe Ngannou shkëmbenin goditje në ring.
Sfida është fituar me pikë nga Fury, por jo pa polemika.
https://twitter.com/i/status/1718425903657624046
