Shqiptari i Kosovës, Shkëlqim Vladi ka një raport të shkëlqyer me golin. 23-vjeçari është pjesë e Luganos në elitën e futbollit zvicerian, teksa mbrëmjen e sotme gjeti rrugën e rrjetës me bardhezinjtë në duelin ndaj Klub Bryzh, të vlefshëm për Ligën e Konferencës.
Vladi u hodh në fushë në minutën e 68-të, ndërkohë që 6 minuta në fushë i mjaftuan për të ngushtuar përkohësisht shifrat në 1-2.
Ky ishte realizimi i dytë radhazi në Ligën e Konferencës për shqiptarin e Kosovës, i cili më herët i kishte shënuar edhe Beshiktashit. Ndërkohë në kampionat 23-vjeçari ka shënuar 3 gola në 8 ndeshje. Vlen të theksohet fakti se Vladi sezonin e shkuar ishte pjesë e Araut ku shënoi 15 gola në 25 ndeshje. Një bomber i vërtetë!
https://twitter.com/i/status/1717617801949573548
