Shoqata e Biznesit të Vogël dhe të Mesëm jep alarmin se viti 2018 do të jetë katastrofik për biznesin e vogël dhe të mesëm, pasi nga përfshirja në skemën e Tatimit të Vlerës së Shtuar, do të mbyllen 50 mijë subjekte.
Kjo pasi Duke filluar nga 1 prilli, hyn në fuqi kufiri i regjistrimit në TVSH prej 2,000,000 lekë.
Albert Nasto, kreu i Shoqatës së Biznesit të Vogël dhe të Mesëm ka thënë se:
“Në vitin 2018, në 6-mujorin e parë mund të mbyllen rreth 25 mijë biznese dhe deri në fund të 2018 do të mbyllen 50 mijë biznese. Pse jemi kundër vendosjes së TVSH-së në biznesin e vogël? Është projekt anti europian, është e gabuar, ky është një projekt anti-biznes. Për ekspertët, aktualisht biznesi i vogël dhe ai i mesëm po mbijeton duke përjetuar periudhë të vështirë ekonomike dhe depresive, si pasojë e taksave, por edhe konkurencës së pandershme.”
Gjithashtu Albert Nasto ka thënë se gjendja reale e biznesit të vogël dhe të mesëm, që është 99%, është e rëndë. Arsyeja sipas Nastos janë taksat dhe shtimi i tyre.
Shqetësimet e ngritura i janë dërguar edhe institucioneve përkatëse, por deri tani nuk ka pasur ansjë reagim, në mungesë të së cilit, priten protesta nga ana e biznesit, deri në grevë urie.
“Para 10 ditësh i kemi dërguar një kërkesë Këshillit të Ministrave. Deri tani nuk ka pasur ndonjë reagim, në mungesë të reagimit, në do të fillojmë protestat, sipas kushtetutës dhe ligjit, deri në grevë urie. Sipas statistikave, në 4 vitet e fundit janë mbyllur në gjithë vendin 80 mijë biznese të vogla dhe të mesme. Kanë qenë 196 mijë biznese ndërsa sot numërohen 108 mijë biznese” – ka vijuar kreu i Shoqatës së Biznesit.
Ndër shkaqet e mbylljes së biznese renditen, taksat e larta, çmimi i energjisë, karburantit, rënia e fuqisë blerëse, korrupsioni, klima e rendit dhe sigurisë, gjobat e shpeshta dhe ndryshimet e shpeshta ligjore.
